MAUAJI ya Padri wa Kanisa Katoliki Zanzibar, Evarist Mushi yaliyotokea juzi (Jumapili) wakati akiingia kanisani kuendesha ibada ya asubuhi, yamezua utata na inadaiwa kuna mambo mengi yaliyojificha nyuma ya pazia.
Akina mama wakilia kwa uchungu kuomboleza kifo cha ghafla cha kupigwa risasi Padri Evarist Mushi kilichotokea juzi asubuhi.
Mauaji hayo yalifanyika kimafia katika
Kanisa Katoliki, Kigangwe cha Mtoni saa 12:45 asubuhi wakati akijiandaa
kwenda kuongoza ibada kanisani humo.
Kwa mujibu wa ofisa mmoja wa polisi, katika eneo la tukio walifanikiwa kukuta maganda mawili ya risasi na hakukuwa na wizi wowote uliofanyika baada ya padri huyo kupigwa risasi mbili kichwani.
Kwa mujibu wa ofisa mmoja wa polisi, katika eneo la tukio walifanikiwa kukuta maganda mawili ya risasi na hakukuwa na wizi wowote uliofanyika baada ya padri huyo kupigwa risasi mbili kichwani.
Waumini
wa Kanisa Katoliki Zanzibar na wananchi wa mjini Zanzibar wakikusanyika
kwenye hospitali kuu ya Mnazimmoja mjini Zanzibar wakitafakari kuhusu
tukio la Padri Evarist Mushi kuuawa kwa kupigwa rirasi juzi mjini
Zanzibar.
Mashuhuda waliozungumza na Mwandishi kwa
nyakati tofauti walisema sababu zilizofanya padri wa awali, Ambrose
Mkenda apigwe risasi siku ya mkesha wa Krismasi, mwaka jana ndizo
zilizofanya na huyu auawe.
“Polisi wanaweza kujua zaidi kwa sababu tunadhani wanaendelea na uchunguzi kuhusu kupigwa risasi kwa padri Mkenda, watakuwa na fununu za kinachosababisha viongozi wa dini kushambuliwa,” kilisema chanzo chetu cha habari visiwani Zanzibar.
“Polisi wanaweza kujua zaidi kwa sababu tunadhani wanaendelea na uchunguzi kuhusu kupigwa risasi kwa padri Mkenda, watakuwa na fununu za kinachosababisha viongozi wa dini kushambuliwa,” kilisema chanzo chetu cha habari visiwani Zanzibar.
Mkuu
wa Mkoa wa Mjini Magharibi, Abdalla Mwinyi (kushoto) akijumuika na
wananchi kwenye uwanja wa hospitali ya Mnazi Mmoja kufuatia tukio hilo
la kuhuzunisha.
Hata hivyo, kuna wengine walikwenda mbali
zaidi na kudai kuwa sababu za kupigwa risasi kwa viongozi hao wa kiroho
ni itikadi za kidini ambazo uhasama wake unaongezeka kila kukicha hapa
nchini.
“Ipo haja kwa serikali kuangalia hili kwani sisi watu wa dini nyingine hapa mjini (Zanzibar) tunaishi kwa wasiwasi,” alisema muumini mmoja wa Kanisa Katoliki.
“Ipo haja kwa serikali kuangalia hili kwani sisi watu wa dini nyingine hapa mjini (Zanzibar) tunaishi kwa wasiwasi,” alisema muumini mmoja wa Kanisa Katoliki.
Padri Cosmas Aman Shayo wa Kanisa Katoliki Parokia ya Mtakatifu Joseph (kushoto) akijadiliana kuhusu tukio hilo na baadhi ya waumini kwenye uwanja wa hospitali ya Mnazi Mmoja Zanzibar juzi.
Kamanda wa Polisi wa Mkoa wa Mjini
Magharibi, ACP Aziz Mohamed alipopigiwa simu alisema atafutwe msaidizi
wake ambaye hakupatikana kwa simu.
(Picha Zote na Martin Kabemba, Zanzibar)
